លិង្គ មិនរឹង រួមដំណេកមិនបាន បុរសគួរអនុវត្តវិធីទាំងនេះ
បញ្ហាលិង្គ មិនរឹង (Erectile Dysfunction) គឺជាសញ្ញាបង្ហាញនូវការធ្លាក់ចុះសមត្ថភាពបុរស ក្នុងការរក្សាប្រដាប់ភេទឱ្យរឹង។ ការកើតមានបញ្ហាលិង្គមិនរឹង អាចជាសញ្ញាពាក់ព័ន្ធនឹងសុខភាពប្រដាប់ភេទ អរម៉ូន ឬជំងឺប្រចាំកាយលាក់ខ្លួនមួយចំនួន។ ប្រការណា លិង្គមិនអាចរឹង ឬរឹងមិនបានយូរ វានឹងបង្កផលរំខានដល់ការរួមដំណេក ដែលជាផ្នែកទូទៅមួយនៃជីវិត។ ទាំងនេះជាវិធីមួយចំនួន ដែលអាចជួយសម្រាលបញ្ហាលិង្គមិនរឹង។
មូលហេតុបង្ក៖
១. ជំងឺបេះដូង
២. ស្ទះសរសៃឈាម
៣. កម្រិតកូឡេស្តេរ៉ូលខ្ពស់
៤. សម្ពាធឈាមខ្ពស់
៥. ជំងឺទឹកនោមផ្អែម
៦. លើសទម្ងន់
៧. ជំងឺមេតាប៉ូលីស
៨. ជំងឺផាគឃីនសុន
៩. ជំងឺក្រិនច្រើនកន្លែង
១០. ថ្នាំវេជ្ជសាស្ត្រមួយចំនួន
១១. ជក់បារី
១២. ទទួលទានជាតិអាល់កុល
១៣. ប្រើប្រាស់គ្រឿងញៀន
១៤. ទម្លាប់គេងមិនល្អ
១៥. ទទួលការព្យាបាលជំងឺមហារីកក្រពេញប្រូស្តាត
១៦. ទទួលការវះកាត់ ឬរបួសឆ្អឹងអាងត្រគាក
១៧. កម្រិតតេស្តូស្តេរ៉ូនទាប
១៨. មានបញ្ហាផ្លូវចិត្ត បាក់ទឹកចិត្ត ស្ត្រេស ឬទំនាក់ទំនងមានបញ្ហាច្រើន
វិធីធ្វើរោគវិនិច្ឆ័យ ស្វែងរកជំងឺប្រចាំកាយ៖
១. តេស្តប្រដាប់ភេទបុរស និងពងស្វាស
២. តេស្តឈាម ស្វែងរកជំងឺបេះដូង ជំងឺទឹកនោមផ្អែម កម្រិតតេស្តូស្តេរ៉ូនទាប និងបញ្ហាសុខភាពផ្សេងៗ
៣. តេស្តទឹកនោម ស្វែងរកជំងឺទឹកនោមផ្អែម និងបញ្ហាសុខភាពដទៃទៀត
៤. ធ្វើអ៊ុលត្រាសោន ពិនិត្យមើលថា លំហូរឈាម មានបញ្ហា ឬអត់
៥. ពិនិត្យសុខភាពផ្លូវចិត្ត ស្វែងយល់ពីជំងឺបាក់ទឹកចិត្ត ឬបញ្ហាផ្លូវចិត្តផ្សេងៗ ដែលអាចបង្កឱ្យលិង្គមិនរឹង
វិធីព្យាបាល៖
១. ប្រើប្រាស់ថ្នាំវេជ្ជសាស្ត្រ ពង្រឹងប្រដាប់ភេទ
២. ប្រើឧបករណ៍បូមប្រដាប់ភេទ
៣. វះកាត់ព្យាបាលប្រដាប់ភេទ
៤. ហាត់ប្រាណឱ្យមានសុខភាពល្អ
៥. ព្យាបាលសុខភាពផ្លូវចិត្ត
៦. ផ្ដាច់បារី
៧. សម្រកទម្ងន់ (ប្រសិនបើអ្នកលើសទម្ងន់)
៨. ផ្ដាច់ជាតិអាល់កុល និងគ្រឿងញៀន
ប្រភព៖ Mayo Clinic II https://www.mayoclinic.org/
រក្សាសិទ្ធិ©ដោយ៖ ពេទ្យយើង
