វិធី ១០ យ៉ាងជួយការពារស្រ្តីមិនឱ្យមានផ្ទៃពោះក្រោយពីរួមភេទ
ប្រសិនបើដៃគូមិនចង់មានផ្ទៃពោះក្រោយពេលរួមភេទ គួរតែយល់ដឹងពីវិធីការពារទាំង ១០ យ៉ាងណា ហើយអាចជ្រើសយកមកអនុវត្តបាន។
ខាងក្រោមនេះជា វិធី ១០ យ៉ាងជួយការពារស្រ្តីមិនឱ្យមានផ្ទៃពោះក្រោយពីរួមភេទ៖
១- ប្រើប្រាស់ស្រោមអនាម័យបុរស និងស្រ្តី៖ ប្រើប្រាស់ស្រោមអនាម័យបុរស និងស្រ្តី(ពុំសូវមានលក់នៅលើទីផ្សារ ដោយសារប្រសិទ្ធភាពក្នុងការការពារមិនឲ្យមានផ្ទៃមិនបាន ១០០ ភាគរយដូចស្រោមអនាម័យបុរស)។ ការប្រើប្រាស់ស្រោមអនាម័យ មិនត្រឹមតែជួយការពារពីការមានផ្ទៃពោះនោះទេ ថែមទាំងជួយការពារពីជំងឺកាមរោគបានទៀតផង។
២- ប្រើប្រាស់ Spermicide៖ Spermicide អាចរកទិញបាននៅតាមឱសថស្ថាន ក្នុងការការពារពីការមានផ្ទៃពោះប្រហែល ៧១ភាគរយ។ សូមបញ្ជាក់ថា ថ្នាំនេះត្រូវបើមុន ១០ នាទី មុនពេលរួមភេទ និងត្រូវប្រឹក្សាជាមួយគ្រូពេទ្យឱ្យលម្អិតមុនប្រើវាផងដែរ។
៣- ប្រើប្រាស់ថ្នាំពន្យាកំណើត៖ ប្រើប្រាស់ថ្នាំពន្យាកំណើត ឱ្យបានត្រឹមត្រូវតាមវេជ្ជបញ្ជាគ្រូពេទ្យ នឹងមានប្រសិទ្ធភាពក្នុងការពន្យាកំណើតរហូតដល់ទៅ ៩៩ភាគរយ។
៤- ចាក់ថ្នាំពន្យាកំណើត៖ ដោយវេជ្ជបណ្ឌិត ១២សប្ដាហ៍ម្ដង ដើម្បីការពារការមានផ្ទៃពោះរហូតដល់៩០ភាគរយ។
៥- ចិញ្ជៀនស្បូន៖ ការពារពីការមានផ្ទៃពោះរហូតដល់ ៩៩ភាគរយ។ ចិញ្ជៀនស្បូន ជាអាលុយមីញ៉ូមតូចមួយ ដែលត្រូវបានដាក់នៅក្នុងទ្វារមាសរយៈពេល ៣សប្តាហ៍ ដើម្បីឲ្យវាបញ្ចេញអរម៉ូននៅក្នុងខ្លួនក្នុងការការពារកុំឲ្យមានផ្ទៃពោះ។
៦- ដាក់កងក្នុងស្បូន៖ ជាឧបករណ៍តូចមួយ ដែលវេជ្ជបណ្ឌិតជាអ្នកដាក់បញ្ចូលទៅក្នុងស្បូនរបស់ស្រ្តី។ កងដាក់ក្នុងស្បូនមាន ២ ប្រភេទ។ ប្រភេទទី ១ ជាប្រភេទអរម៉ូន ការពារការមានផ្ទៃពោះរហូតដល់ ៥ ឆ្នាំ។ ប្រភេទទី ២ ជាប្រភេទរុំដោយទង់ដែង ការពារការមិនឱ្យមានផ្ទៃពោះរហូតដល់ ១០ឆ្នាំ។
៧- ការតាមដានវដ្តរដូវរបស់ស្រ្តី៖ ក្នុងមួយខែនៃវដ្តរដូវរបស់ស្រ្តី មានរយៈពេល៦ ទៅ ៩ថ្ងៃ ដែលជាថ្ងៃមានផ្ទៃពោះ ឬមេជីវិតញីធ្លាក់។
៨- ពន្យាកំណើតបន្ទាប់ពីការរួមភេទ៖ លោកអ្នកអាចលេបថ្នាំអរម៉ូនពន្យាកំណើត បន្ទាប់ពី ៣ ថ្ងៃក្រោយពេលរួមភេទ។
៩- ការវះកាត់បញ្ចប់មេជីវិត៖ ការវះកាត់ដោយចងដៃស្បូនរបស់ស្រ្តី និងវះកាត់បំពង់មេជីវិតឈ្មោលរបស់បុរស គឺអាចការពារពីការមានកូនបានទាំងបុរស និងស្រ្តី តែកម្រនឹងមាននរណាម្នាក់ជ្រើសរើសវិធីនេះណាស់ ព្រោះថា វាពិបាកធ្វើឱ្យមានកូនវិញនៅថ្ងៃក្រោយ។
១០- ការមិនបញ្ចូលមេជីវិត ឬទឹកកាមរបស់បុរស ទៅកាន់ប្រដាប់ភេទរបស់ស្រ្តី ក៏ជាមធ្យោបាយមួយក្នុងការជួយទប់ស្កាត់ពីការមានផ្ទៃពោះផងដែរ តែវិធីនេះពិបាកត្រង់ថា តើភាគីខាងបុរសគ្រប់គ្រងអារម្មណ៍របស់ខ្លួនបានប៉ុណ្ណោះក្នុងអំឡុងពេលរួមភេទ។
- ស្រាវជ្រាវ និងកែសម្រួលដោយ៖ សុខក្រម-Sokhakrom
