តិចនិចសំខាន់ ៤យ៉ាង ជួយឲ្យការរួមភេទមានសុវត្ថិភាព
ការរួមភេទជាបទពិសោធន៍ដ៏មានន័យ និងរីករាយសម្រាប់ជីវិតគូ។ ទោះបីជាការរួមភេទជារឿងធម្មជាតិ តែថាការរួមភេទជាមួយដៃគូ ក៏អាចមានហានិភ័យមួយចំនួនដែរ។ វិធីសាមញ្ញៗមួយចំនួនអាចជួយគ្នាយើងមានដៃគូរួមភេទកាត់បន្ថយគ្រោះថ្នាក់ និងការពារខ្លួនយើងពីការឆ្លងជំងឺកាមរោគ ការមានផ្ទៃពោះដោយចៃដន្យ និងក្ដីបារម្ភផ្សេងទៀត។
១. មានប្រដាប់ឈ្នះ
សម្រាប់អ្នកមានដៃគូរួមភេទ ការត្រៀមរបស់ការពារជាស្រេច គឺជារឿងសំខាន់ ទោះបីជាយើងមិនគិតថាប្រើវាក៏ដោយ។ សូមកុំគិតថាដៃគូរបស់យើងតែងមានស្រោមអនាម័យ ឬបានប្រើថ្នាំពន្យារកំណើតបានជាប់លាប់នោះ។ ការមានស្រោមអនាម័យ ឬប្រើប្រាស់ថ្នាំពន្យារកំណើតបានត្រឹមត្រូវនឹងជួយកាត់បន្ថយកត្តាប្រឈមមានផ្ទៃពោះដោយចៃដន្យ ឬជំងឺកាមរោគផ្សេងៗ។
២. ទំនាក់ទំនង
សម្រាប់អ្នកមានដៃគូរួមភេទ ការចេះជជែកគ្នាជារឿងសំខាន់ក្នុងចំណងទាក់ទង។ អ្នកទាំងពីរអាចនិយាយគ្នាពីព្រំដែនកំណត់ និងកង្វល់នានាទាក់ទងនឹងការរួមភេទ ឲ្យភាគីនីមួយៗបានដឹង។ ការផ្ដល់ទំនុកចិត្តដល់គ្នាទៅវិញទៅមកមិនត្រឹមជួយឲ្យទំនាក់ទំនងកាន់តែល្អទេ តែថែមទាំងជួយកាត់បន្ថយហានិភ័យឆ្លងរោគផ្សេងៗផងដែរ។
លោកអ្នកមានពេលប៉ុន្មាននាទីឆ្លើយឆ្លងប៉ុន្មានសំណួរទេ?
អ្នកអាយុប៉ុន្មានហើយ?
តិចជាង ៣០ ឆ្នាំ
ចាប់ពី ៣០ ឆ្នាំឡើង
៣. ហ៊ាននិយាយពីជំងឺកាមរោគ
អ្នកមានដៃគូរួមភេទ គួរតែហ៊ានជជែកដោយចំហអំពីជំងឺកាមរោគ ជាមួយដៃគូរបស់ខ្លួន។ ការធ្វើដូចនេះ ដើម្បីប្រាកដថាអ្នកទាំងពីរស្មោះត្រង់នឹងគ្នា និងហ៊ាននិយាយពីស្ថានភាពសុខភាពដែលខ្លួនកំពុងមានទៅកាន់ដៃគូ និងចូលរួមទាំងអស់គ្នា ដើម្បីការពារខ្លួនពីជំងឺកាមរោគ។
៤. ចាក់វ៉ាក់សាំងបង្ការHPV
សម្រាប់ស្រីមានអាយុក្រោម២៦ឆ្នាំ មិនទាន់ឆ្លងកាត់ការរួមភេទគួរចាក់វ៉ាក់សាំងបង្ការជំងឺមហារីកមាត់ស្បូន HPV។ ជាការណែនាំក្មេងស្រីមានអាយុចាប់ពី១២ឆ្នាំ អាចទទួលវ៉ាក់សាំងនេះបាន។ ស្រីៗយើងបើស្ថិតក្នុងវ័យនេះ ហើយគិតថាចង់រៀបការ គួរពិភាក្សាជាមួយគ្រូពេទ្យ ដើម្បីបានព័ត៌មានច្បាស់លាស់ពីការចាក់ថ្នាំបង្ការជំងឺមហារីកមាត់ស្បូននេះ។
ចំពោះស្ត្រីមានដៃគូរួមភេទវិញវិញ អាចចាក់វ៉ាក់សាំងមហារីកមាត់ស្បូនបាន លុះត្រាតែមានកៀរកោសិកាមាត់ស្បូនមកវិភាគសិន ថាតើមានមេរោគ HPV ឬអត់? ប្រសិនបើមិនមានទេ នោះបញ្ជាក់ថា យើងអាចចាក់វ៉ាក់សាំងនេះបាន ហើយត្រូវប្រាកដថាក្នុងរយៈពេល ៦ ខែ អំឡុងពេលចាក់វ៉ាក់សាំង ស្រីៗយើងមិនត្រូវមានផ្ទៃពោះឡើយ ឯប្រសិទ្ធភាពក្រោយចាក់មានប្រមាណតែ ៧០% ប៉ុណ្ណោះ
វ៉ាក់សាំងជំងឺមហារីកមាត់ស្បូន (HPV) អាចការពារជំងឺមហារីកស្បូនបានក៏ពិតមែន តែទោះយ៉ាងណាក្រោយពេលចាក់វ៉ាក់សាំងរួច ស្ត្រីដែលមានដៃគូរួមភេទត្រូវពិនិត្យតាមដាន និងធ្វើតេស្តកោសិកាមហារីកមាត់ស្បូនជាមួយគ្រូពេទ្យជំនាញ រៀងរាល់ ១-២ឆ្នាំ ម្តង។
គណនាថ្ងៃមេជីវិតញីទុំធ្លាក់
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មអត្ថបទបន្ទាប់
ហេតុផលទាំងនេះហើយ ទើបពេលខ្លះអារម្មណ៍ផ្លូវភេទឡើងខ្លាំង
គ្នាយើងខ្លះធ្លាប់សម្គាល់ខ្លួនឯងទេ ថាហេតុអ្វីចេះតែមានអារម្មណ៍ចង់រួមភេទញឹកញាប់? ការមានអារម្មណ៍ចង់រួមភេទគឺមានលើមនុស្សយើងភាគច្រើននៅពេលឈានដល់ពេលពេញវ័យ ហើយរឿងនេះជាធម្មជាតិរបស់មនុស្សយើងតែប៉ុណ្ណោះ។
និយាយរួមទៅចំណង់ផ្លូវភេទជារឿងធម្មតាសម្រាប់មនុស្សយើង តែក៏អាចមានកត្តាមួយចំនួនធ្វើឲ្យយើងមានចំណង់នេះកើតឡើងដែរ។
១. អ័រម៉ូនប្រែប្រួល
គ្នាយើងដឹងហើយថាការប្រែប្រួលអ័រម៉ូនបានដើរតួយ៉ាងសំខាន់លើចំណង់ផ្លូវភេទរបស់មនុស្សយើង។ នៅពេលកម្រិតអ័រម៉ូនតេស្តូស្តេរ៉ូនកើនឡើង អាចធ្វើឲ្យយើងមានចំណង់ផ្លូវភេទ។ ដូចគ្នាដែរ អ្នកដែលបង្ហាញកាយវិការចង់រួមភេទ គឺកំពុងមានកម្រិតអ័រម៉ូនតេស្តូស្តេរ៉ូនខ្ពស់ដែរ។កម្រិតអ័រម៉ូនមានផ្សេងៗគ្នានៅក្នុងដំណាក់កាលនៃជីវិតរបស់យើងនីមួយៗ ពិសេសពេលយើងចាប់ផ្ដើមពេញវ័យ និងពេលស្រីៗអស់រដូវ។ ការប្រែប្រួលកម្រិតអ័រម៉ូននេះធ្វើឲ្យចំណង់ផ្លូវភេទក៏កើនឡើងដែរ។
២. អាហារ
លោកអ្នកមានពេលប៉ុន្មាននាទីឆ្លើយឆ្លងប៉ុន្មានសំណួរទេ?
អ្នកអាយុប៉ុន្មានហើយ?
តិចជាង ៣០ ឆ្នាំ
ចាប់ពី ៣០ ឆ្នាំឡើង
អាហារជាក់លាក់មួយចំនួនអាចជួយបង្កើនចំណង់ផ្លូវភេទរបស់មនុស្សយើងបាន។ អាហារទាំងនោះមានដូចជាផ្លែបឺរ ស្វាយ ផ្កាខាត់ណាខៀវ និងគ្រាប់អាល់ម៉ុន ជាដើមសុទ្ធតែមានឥទ្ធិពលលើចំណង់ផ្លូវភេទរបស់យើង។ ការញ៉ាំអាហារទាំងនេះជាប្រចាំ អាចជួយបង្កើនចំណង់ផ្លូវភេទ។
៣. គ្រឿងស្រវឹង
តើពេលផឹកស្រាក្រហមមួយកែវ ធ្វើឲ្យគ្នាយើងនឹកដល់រឿងរួមភេទ? មិនចម្លែកទេ អ្នកផ្សេងក៏អាចមានអារម្មណ៍បែបនេះដែរ។ ថ្វីបើគ្រឿងស្រវឹងអាចរំខានដល់សកម្មភាពលើគ្រែមែន តែវាក៏អាចដាស់អារម្មណ៍ឲ្យយើងពុះកញ្ជ្រោលបានដែរ។ ការសិក្សាមួយបានកត់សម្គាល់ថាគ្រឿងស្រវឹងមានឥទ្ធិពលលើចំណង់ផ្លូវភេទ អារម្មណ៍ស្រើបស្រាល និងភាពរីករាយ។
៤. វដ្ដរដូវ
សម្រាប់ស្រីៗវិញអារម្មណ៍ផ្លូវភេទ អាចកើតមានឡើងដោយសារការប្រែប្រួលអ័រម៉ូននៅក្នុងវដ្ដរដូវដែរ។ កម្រិតអ័រម៉ូនអឺស្រ្តូហ្សែន និងប្រូតេស្តូស្តេរ៉ូនប្រែប្រួល ក៏ធ្វើឲ្យចំណង់ផ្លូវភេទប្រែប្រួល ដោយអាចពេលខ្លះមានចំណង់ខ្លាំង និងពេលខ្លះមិនមានចំណង់ក៏មាន។ ស្រីៗអាចមានចំណង់ផ្លូវភេទខ្លាំងនៅថ្ងៃអាចបង្កកំណើតបានក្នុងវដ្ដរដូវរបស់ខ្លួន។ ការណ៍នេះមិនមែនអ្វីដែលត្រូវខ្មាសអៀននោះទេ តែវាបានបញ្ជាក់ថាស្រីៗយើងមានសុខភាពប្រព័ន្ធបន្តពូជល្អទៅវិញទេ។
៥. ទើបមានទំនាក់ទំនងថ្មីៗ
ជាការពិតណាស់ ការទើបមានទំនាក់ទំនងនឹងគ្នាថ្មីៗ ពិតជាធ្វើឲ្យយើងមានអារម្មណ៍រំភើប និងតែងមកជាមួយនឹងអារម្មណ៍ចង់រួមភេទជាមួយដៃគូដែរ។ ដូចគ្នាដែរ វានឹងកាន់តែងាយមានអារម្មណ៍ផ្លូវភេទនៅពេលដែលដៃគូទាំងពីរនៅជិតគ្នានៅពេលបន្តបន្ទាប់។
៦. មានផ្ទៃពោះ
ការមានផ្ទៃពោះអាចនឹងផ្ដល់នូវរឿងប្លែកៗដល់ស្រីៗគ្នាយើងដែរ ក្នុងនោះក៏អាចធ្វើឲ្យស្រីៗយើងខ្លះមានចំណង់ផ្លូវភេទខ្លាំងដែរ ដែលនេះ ក៏បណ្ដាលមកពីការប្រែប្រួលអ័រម៉ូនពេលមានផ្ទៃពោះនេះឯង។
