អ្នកជំនួញផ្នែកកសិឧស្សាហកម្មល្បីឈ្មោះ លោក ឧកញ៉ា ម៉ុង ឬទ្ធី ចំណាយលុយទៅលើទូរសព្ទទំនើបដើម្បីធ្វើជំនួញ មិនមែនប្រើសម្រាប់តែការសប្បាយ។ រាល់ថ្ងៃលោកចំណាយពេលលើទូរសព្ទមិនតិចជាង ៦ ម៉ោងឡើយ ដើម្បីគ្រប់គ្រងការងារក្នុងក្រុមហ៊ុន។
“ខ្ញុំអត់ចង់ឲ្យបង់លុយថ្លៃទូរសព្ទចោលទទេៗទេ។ មនុស្សមួយចំនួនប្រហែលគ្រាន់តែយកទូរសព្ទជាការកម្សាន្ត ហើយស្ដាប់ចម្រៀង តែខ្ញុំចង់ណែនាំឲ្យប្រើបច្ចេកវិទ្យាទាំងនេះ ទៅរកចំណូលវិញល្អជាង។ សព្វថ្ងៃខ្ញុំប្រើទូរសព្ទទំនើប ដើម្បីធ្វើជំនួញ មិនមែនជាការសប្បាយទេ"។
អ្នកជំនួញកសិឧស្សាហកម្មល្បីរូបនេះ បានលើកឡើងបន្តទៀតថា អ្នកខ្លះទិញទូរសព្ទទំនើបយកទៅលេងហ្វេសប៊ុក ឈ្លោះគ្នាបែកទឹកបែកដី តែបើជ្រុលចំណាយលុយច្រើនបែបនេះហើយ គួរតែប្រើជាប្រយោជន៍ណាមួយដល់ខ្លួនវិញទើបជាការល្អ។
លោកប្រាប់ថា លោកចំណាយពេលច្រើនលើទូរសព្ទដូចជាលើបណ្តាញសង្គមមាន Facebook, Whats Up និង Line ដើម្បីគ្រប់គ្រងលំហូរការងារប្រចាំថ្ងៃ។
“...ចំពោះខ្ញុំសំខាន់ណាស់ បើគ្មានបណ្ដាញសង្គមទាំងអស់ហ្នឹងទេ ខ្ញុំមិនអាចគ្រប់គ្រងក្រុមហ៊ុនបានឡើយ ព្រោះអីច្រើនផ្នែក អ៊ីចឹងទាល់តែរាយការណ៍មកតាមហ្នឹង ខ្ញុំមិនអាចទៅមើលអស់ទេ"។
លោកឧកញ៉ាបានបញ្ជាក់ថា បច្ចុប្បន្នជំនួញគ្រប់ប្រភេទរបស់លោក បានផ្ដល់ការងារដោយផ្ទាល់ដល់ប្រជាជនកម្ពុជាប្រហែល ១ម៉ឺននាក់ និងដោយប្រយោលរាប់ម៉ឺននាក់ផ្សេងទៀត។ បំណងធំរបស់លោក គឺចង់ឲ្យពលរដ្ឋខ្មែរចាកផុតពីភាពក្រីក្រ និងចង់ឲ្យកម្មករស្នាក់នៅផ្ទះថ្ម ហើយទទួលបានប្រាក់ខែលើសពី៥០០ដុល្លារ ក្នុងពេលដែលលោកនៅមានជីវិត៕
Admin:TenaKhmer
ផ្សព្វផ្សាយពានិជ្ជកម្មនៅទីនេះ contact:087 93 6886/ 087 93 6666!
(advertising here)
ក្នុងតំលៃពិសេស! (Special Price$!)
_________________________________________________________________________________
ឃាត់ខ្លួន ជនសង្ស័យម្នាក់ទៀត ទាក់ទងករណីសម្លាប់បងប្រុស គីម ជុងអ៊ុន
បុរសជនជាតិកូរ៉េខាងជើងម្នាក់ ដែលជាជនសង្ស័យក្នុងករណីសម្លាប់ លោក គីម ជុងណាម បងប្រុស របស់លោក គីម ជុងអ៊ុន ត្រូវបានឃាត់ខ្លួន។ នេះបើតាមការឲ្យដឹងពី មន្ត្រីប៉ូលិសរបស់ម៉ាឡេស៊ី។
តាមប្រភព BBC ជនសង្ស័យដែលជាជនជាតិកូរ៉េខាងជើង ខាងលើមានឈ្មោះ Ri Jong Chol មានវ័យ ៤៦ឆ្នាំ។
យ៉ាងណាក្ដី ពុំទាន់មានរបាយការណ៍ថ្មី អំពីជនសង្ស័យដែលទើបឃាត់ខ្លួនបាន និងក្រុមជនសង្ស័យឃាត់ខ្លួនបានពីមុន ដូចជាស្ត្រីឥណ្ឌូណេស៊ី បុរសម៉ាឡេស៊ី និងស្ត្រីជនសង្ស័យដំបូងគេបង្អស់ កាន់កាន់លិខិតឆ្លងដែនវៀតណាម ឈ្មោះ Doan Thi Huong នោះទេ។
ប៉ូលិសជំនាញ ជឿជាក់ថា លោក គីម ដែលជាបងប្រុស មេដឹកនាំផ្ដាច់ការកូរ៉េខាងជើង ត្រូវគេបាញ់ ស្ព្រៃពុលចំមុខ ខណៈពេលលោក រង់ចាំឡើងជិះយន្តហោះពី ម៉ាឡេស៊ី ទៅ ទីក្រុងម៉ាកាវ ប្រទេសចិន។
គួររំលឹកផងដែរថា កាលពីថ្ងៃពុធ កន្លងទៅនេះ កូរ៉េខាងជើង បានបញ្ជូនអ្នកតំណាងរបស់ខ្លួនជាច្រើនរូប ទៅកាន់នាយកដ្ឋានកោសល្យវិច័យនៃមន្ទីរពេទ្យ Kuala Lumpur General Hospital ដែលធ្វើការពិនិត្យសាកសពរបស់ លោក ជុងណាម ហើយបានស្នើសុំយកសាកសពនោះត្រលប់ទៅវិញ។
លោកជុងណាម ត្រូវបានគេលួចធ្វើឃាតនៅម៉ោង៩យប់ នៅព្រលានយន្តហោះអន្តរជាតិកូឡាឡាំពួរ អំឡុងពេលរង់ចាំធ្វើដំណើរចាកចេញនាម៉ោង១០យប់ ទៅម៉ាកាវ។
លោក គីម ជុងណាម ដែលមិនពេញចិត្តនឹងការតែងតាំងប្អូនប្រុស គឺលោកគីម ជុងអ៊ុន ឲ្យស្នងតំណែងជាមេដឹកនាំពីឪពុកគីម ជុងអ៊ីល ដែលបានស្លាប់កាលឆ្នាំ ២០១១ តែងតែចំណាយពេលភាគច្រើនរស់នៅទីក្រុងម៉ាកាវ ចិនដីគោក និងសិង្ហបុរី៕
Admin:TenaKhmer
ផ្សព្វផ្សាយពានិជ្ជកម្មនៅទីនេះ contact:087 93 6886/ 087 93 6666!
(advertising here)
ក្នុងតំលៃពិសេស! (Special Price$!)